مايبعد العشاق بعد المسافات الصد جرح ماتفيده ضمايد

لاثار في صدري براكين الاهات
	طفيت لاهبها بعذب القصايد
ماكل من نرجيه يأتي بمشهات
	حياتنا مابين يسر وزهايد
الله هو العالم بخافي الخفيات
	يجلي عن المخلوق ثقل الشدايد
قلب" شكا مشتاق ولابه مراعات
	من صاحب" جفواه صارت عوايد
عايش هني البال وقته مسرات
	عزاه من لاجله أسير النكايد
للناس مهما اخفيت لجرحي علامات
	تفضحني الدمعه وذا الحال بايد
قلت أدله الخاطر بروحه وجيات
	مافادني حيثه على الفكر سايد
مايبعد العشاق بعد المسافات
	الصد جرح" ماتفيده ضمايد
والا الوفاء حي" وفي صاحبي مات
	عهد الوفاء أشعل عليه الوقايد

بقلم أخوكم / أسير النظر سابقا"