عذاب السفر والفرقا

السلام عليكم ورحمة الله وبركاته ...

أبشركم رجعت بالسلامه ولله الحمد من سفري الغريب مره .....ولكن رجعت لكم بقصيده كتبتها

يوم الخميس وانا في منطقة صحراويه وظروفها صعبه ....وأعتقد هدف القصيده واضح من الابيات ....

-------------------------------

----

سلامي على من تذوق القاف *** يرفعه مقام ويطمن له هامته ..

أبنثر لكم قصة مسافر خاف *** توحش وهو بمرباع هله و ديرته ...

نويت السفر لأجل الوصل جاف *** أبيه لعجز(ن) لغيرهن ما نويته ..

وصلت وخاطري ما يشتكي خلاف ***شفتهم وذكرت زماني اللي نسيته ...

دوني بنات البدو بالبراقع رهاف *** لزوم من غلاي بنتهم ذبته ...

خذيت من الوقت معهم مرياف *** إنتصف ليلي وإذني منهم خذيته ...

سرحت مظهرهم شرق لطعوس جلاف *** أبي أراجع عمر(ن) عليها قضيته ...

جيتها وهي على خبري صلاف *** يا كود بعزم الجيب لها عسفته ....

قعدت على راس طعس سياف *** وبحلظه أبتسم وأذكر زماني وبكيته ...

وفجأه حسيت بخدي دمعي رعاف *** بكيت ما بكيت لأجلي فطنته ...

قمت أظرب جنوبي غبون(ن) عجاف *** وأصفق ضلوعي على خل فقدته ...

شمال هو مدري جنوب الطاف *** وكاد إن مكانه بقلبي حفظته ....

يا كيف بأصبر محبوبي المصطاف *** سرى ليلي غريب المهاجر بسكته ...

ياليت تدري صابني عياف *** عفت قومي ولعينها حبي فديته ...

تنكرت مكاني وهو لي مظياف *** رديت عذارى ودونهن قلبي نهيته ...

شوقي عليها له ونين وتفتاف *** أبيع عمري وأسعدها وقدرها أطريته ...

حسنها أمره عجيب وحنانها لهاف *** كم مرة(ن) قلبها علي هدته ...

هدة طير حر أشقر شخاف *** يجيني يكفخ بعشاي وما تعشيته ...

أخاف يقصر عليها ويصيبها كلاف *** والله النقصان للغالي ما رضيته ...

يا بنت قلبي اليوم لنجد عاف *** يبي ديرتك لو هي شتيته ...

لو بعيده يا بنت الاشراف *** أجيها أسوق العمر لأجلك نخيته ...

إقسم بالله أحلف وأدبل ألاحلاف *** حبك ما غيره حب خشرته ...

-----------------------

بـــــقـــــلـــــمـــــي